எங்கள் கல்லூரியில் ஆசிரியர் தின விழா கொண்டாடினோம். அதில் நான் ஆசிரியர் தினம் பற்றிய சிறு உரை நிகழ்த்தினேன். அந்த சொற்பொழிவு அனைவரையும் கவர்ந்ததாக என்னுடைய சக மாணவிகளும் கூறினர்.
இதன் மூலம் என்னுடைய மேடை பயம் போய்விட்டது. மேடையில் சொற்பொழிவு ஆற்றுதல் என்னும் திறன் ஒரு ஆசிரியருக்கு இன்றியமையாத ஒன்றாகும்.
நுண்ணிலை கற்பித்தல் பயிற்சி ஒரு வாரம் நடந்தது. முதலில் பாடம் நடத்தும்போது ஆசிரியர் சில பிழைகளை சுட்டிகாட்டினார். மறுநாள் அதை நினைவில் கொண்டு பாடம் நடத்தினேன். சிறப்பாக இருந்ததாக அனைவரும் கூறினார்கள். ஆசிரியர் குறைகளை சுட்டிகாட்டியதால்தான் இரண்டாவது முறை பாடம் நடத்தும் போது என்னால் நன்றாக நடத்த முடிந்தது.
"நாம் ஒரு செயலை செய்யும்போது அதில் உள்ள தவறுகளை சுட்டிகாட்டி
நம்மை வழிநடத்த ஒரு ஆசிரியர் இருந்தால்தான் நம்மால் ஒன்றை முழுமையாக கற்று அதில் சிறந்து விளங்க முடியும்"என்பதனை தெரிந்துக் கொண்டேன்.
29-08-2016 அன்று கல்லூரியில் எங்களுக்கு முதல் நாள்.
கல்லூரிக்கு சென்ற இரண்டாவது நாள் 30-08-2016 முதல் 03-08-2016 வரை Bridge course நடைப்பெற்றது.அதில் ஒரு ஆசிரியர் கண்டிப்பாக தெரிந்திருக்க வேண்டிய வரைபடத்தாளில் எழுதும்முறை,சுழலும் அட்டை,மாதிரிகள் போன்றவை தயாரிக்கும் முறைகளையும் யோகா,ஆளுமை திறனை வளர்பது எப்படி போன்ற பயிற்சிகள் தரப்பட்டன. அதில் அவர்கள் கேட்ட நிறைய கேள்விகளுக்கு நான் பதில் அளித்தேன். அவர்கள் என்னை பாராட்டியது எனக்கு மிகுந்த உற்சாகத்தையும், தன்னம்பிக்கையையும் அளித்தது.
